Andemus a sa grutta

http://pizzica.altervista.org/

Andemus a sa grutta
de lughe tott'allutta
ch'es nadu su Bambinu
Gesusu, Segnore nostru Re divinu.
Ch'es nadu su Bambinu
Gesusu, Segnore nostru Re divinu.

Es nadu poverittu,
patit famine e frittu,
sa Mama no at pannos
pro lu fascare e vivet in affannos.
Sa Mama no at pannos
pro lu fascare e vivet in affannos.

Ma enit un'istolu
de Anghelos a bolu
e l'istana affestendhe,
dulzos innos de gloria cantendhe.
E l'istana affestendhe,
dulzos innos de gloria cantendhe.

E dai sos lugores
giamados sos pastores
ruen imbenugiados
a tantas meravizzas incantados.
Ruen imbenugiados
a tanta meravizzas incantados.